 |
| بيت الجدة الحلقة العشرون (ليلة متعسرة) |
يا بنتى ده ساعة ما اختك ليلي كانت بتولد بنتها هناء كانت تعبانه فيها خالص وكان الولاده متعسره والواد كان محشور بالعرض فى بطنها والداية لما جت معرفتش تعمل حاجه وقالتلنا هاتولها دكتور يا حجه العيل ده عايز جراحة وفعلا لما الجت اتنين تلاته قب الفجر بشوية انا مفكرتش فخوف ولا شيئ كان على بالى كل الى كان همى هو انجد اختك من العذاب الى كانت هى فى واخفف عنها قولت لاحسان الشغالة وقولتلها تعالى بينا نطلع نجيب الدكتور فاروق من الوحدة يجي يولدها والدكتور فاروق ده كان يقربلى من بعيد وفعلا روحنا ولكن لاجل حظ اختك الهباب يقولو ده لسه مروح من شوية وجرينا على بيته واول مسيبنا الشارع بتاعنا وطلعنا للشارع الرئيسي لقينا كمية كلاب متتعدش فوق الميت كلب وكانو ماشيين ورا بعض وكل كلب شايل حاجه فبوقه زى السره متعرفيش فيه ايه وكان كلهم شكلهم بعض وشبه بعض بشكل يخليكي تحسيهم نؤام .
فمسكت فايد احسان وقولتلها يبت يا احسان ايه الكلاب دى كلها ورايحين على فين
فردت احسان وهى من يومها مجنونة ملناش دعوه يا ستى خلينا ماشين فحالنا وهما فى حالهم والمهم خدناها جرى لحد موصلنا لبيت الدكتور فاروق واحنا مقلقين من الى شوفناه وكان بيت الدكتور فاروق فى ميدان واسع
كان فى وسطه عامود بيقولو انه اول عامود اتبنى فى المنطقه كلها زي حجر اساس عشان يعلم حدود المنطقة وفى ناس تقول ان الى حطه ولى من اولياء الله عشان يبارك اهل المنطقه ويحرسهم
ولما وصلنا للباب وكان باب قديم وعامل زى باب السجن ولما فضلنا نخبط وننده ومحدش كان بيرد علينا لقينا من بعيد شعلة نار عماله تعلى وتوطي تتطلع لفوق فى السما وتنزل تانى كانه وبور جاز وصوت حد بيدق على الحديد صوت سكع بالشكوش فحديد والصوت كان عالى واول مقولت لاحسان بت يا احسان محسنى يكون درويش يبت
فالبنت تقاطع امها وتقولها وهو مين درويش ده يامه .
قالتلها زمان كان فى ناس غجر من الى بيجو فى الموالد وكانو بينصبو خيمهم والمراجيح وكان كل العيال تتجمع عندهم عشان تركب المراجيح وكانو ليهم فخيمهم صوت مميز يبنتى هو صوت الدق ده من اول مبينصبو خيمهم وبيدقو المسامير فى الارض لحد مبيرحلو وكانو مشهورين انهم حدادين شاطرين لان كل حياتهم يبننتى قايمه على مسامير واسياخ الحديد الى بينصبو الخيم وحتي المراجيح بيها
وكانو بليل لما بينامو يعيني فعرض الشارع فخييم تحت السور ويتدفو بالحيطان
وكان موسم تلاقيه رمضان الموسم الى كان كل اللناس فىى بتبقى فى الشارع وكل الناس فرحانه بلا استثناء الفقير والغنى ومحدش خايف ولا شايل هممه وكان الغجر فى رمضان وكانو بينصبو فى اخر عشر ايام من رمضان المراجيح استعدادا للعيد ولان الناس كله تخرج فى الشارع
العيد يبنتى زمان كان ليه شعور غريب ان الناس كلها واحد وان الكل متجمعين صفوف فصلاة العيد او حتى متعرفيش تفرقي بينهم فوسط الزحمه
وكان درويش ده واحد من الغجر الى بيمسكو المراجيح وكان فى اليوم ده هايص وبيهرج مع خلق الله كلهم وكان جايب ليلتها كنافه ومتسحر بيها والمهم.
انهم لقيوه الصبح نايم فى خيمته وغلى راسه حجر كبير وراسه مدهوشه زىى الفلفل المصحون ولما الناس خافت وشكت جه البوليس وقعد يحقق من الناس عشان يعرف مين الى انهى حياة درويش والغجر كان معروف ان حياتهم مليانه مشاكل ومخاوف
ففى ناس قالو الى عملت فى كده مراته الغازيه عشان تهرب هى وعشيقها ومحدش يعرفلهم طريق قره وناس بتقول ان الحجر اتزحزح بامر الله وان كل شيئ حصل بامر الله ولا مرد لامر الله
والمهم اتعمل صوان حوالين خيمته وجه حكمه من اللا فرانكه وكان فيهم كيم شايب وكان بيمشى على عكازين والمهم انهم قالو بعدها ان الحكمه دول جم عشان يعرفو حقيقة مين الى قتل درويش مهو موته متخطرش على بال حد ومفيش حد بالقوة الى يمسك فيها حجر بالحجم ده
الموضوع كان صعب وفى خوف وعجز من العلم وقتها انه يعرف مين السبب
ولما شرحوه وغسلوه وكفنوه ومن ساعتها والناس كرهت سور الفرن الى اتقتل واتدهست فيه راس درويش والى دمه غطي الحيطان ومحدش بقا بيمشى من جنب السور ده خالص وبقا مكان مهجور .
فالبنت بتلح بسؤالى مقاطع لامها
امال ايه يامه النار اللى كانت بتهب قدامكم دى وتعلى وتوطي وفين الكلاب وعربية الاسعاف الى كانت ماشيهتلف وتدور فى الميدان زى عقارب الساعة
فالام ترد وتقول ماهو اصل الميدان كان زي مبيجمعنا فى الفرح كان بيجمعنا فى الاحزان وكان فى ياما بلاوى حصلت فيه
كان فى شاب ابن على امين وكان شاب زي الفل زعل مع ابوه راح حرق نفسه ولما جتت الاسعاف مرضاش يركب النقاله وطلع على رجليه ولما وصل المستشفي كان الحرق كل جتته ومات
والمهم يبنتى اننا استمرينا فى التخبيط والزعيق على ام ان الدكتور ولا اهله حتى يسمعونا ويفتحولنا وينتشلونا من الوقعه المهببه دى
لوما احسان قعدت تزعق وتقول افتح يا داكتور فاروق عربيتك الى شبه الخنفسه اهى مركونه واحنا عارفين انك جواه وانا معايا مرات الحج عبد الرحيم الحطابي وبنت الشيخ عمر الطوقان وجايلنك واحنا ولايه عشان بنتها متعسره فى الولاده والجنين قافش فى بطنها ومش عايز يطلع
يتبع..
