بيت الجدة الحلقة السابعة (عفريت الغيط)

بيت الجدة الحلقة السابعة (عفريت الغيط)

هحكيلكم حكاية جدكم خفاجة وهو رايح يسقى الغيط قبل الفجر وراكل الحمارة
راح لقى واحد بيقولو انت كده اخرت على سقى المايه يا خفاجة والزرع زمانه هبط
انا هاجى معاك عشان اساعدك
وركب وراه على الحماره
والحمار فضل متصلب فى مكانه ويفرس ويتنفض ويبرطع يبرطع كأنه شايل حمل تقيل على ضهره
وكانه شايف حاجه جدكم مكنش شايفها
فالمهم جدكم فضل يحايل فيه ويقسي عليه بالضرب لحد موصل بيهم للغيط بليل ساعة الفجرية
وبعد موصلو فضل يفتح قنايا للمايه عشان تسقى الارض
وكان المحصول السنة دى دره
وفضل يجمع فى كيزان دره وقال لما اشويها منها تدفينها ومنها نفطر بدره
وكل ميدى للراجل ده كوز يخلصه بسرعه ويعوز تانى
فيديله تانى
وفضلت يقطف من زهر الدره ويشوى ويديله ودكها ياخود وياكل ويركن وراه
وجدك خفاجة يبصله ويقولو وهو مستغرب انت عرفت من مين انى هروح اسقى الغيط والارض بتاعتى انهارده
فرد عليه الاخر ده.

انى عارف عنك كل حاجه يخفاجه وقعد ضحك ضحكه موسوسه
فقاله جدكم اباه وانت تكون مين عشان تعرف عنى كل حاجه
فراح باصصله بصه مخيفه وعينه ملاها الشر والحمره زى الدم وراح مادد رجله وفاردها
فلقى جدكم خفاجه رجليه رجل حمار
وجدكم من كتر الخوف اتكفى على وشه ومنطقش
وفين وفين لما جت الناس تزرع وتقلع فباقى الغيط ويشيلو الطايب من المحصول
لقيوه مكفى على وشه جنب الولعه الى كان بيشوى عليها
وجنبه كيزان الدرة متراكمة وهى مشوية لا اتاكلت ولا مسها لسان
فاستعجبو ليه خفاجه يشوى كل الدرة دى ويرميها اكده
فصحوه وقوموه وقالولو مالك
فاول مصحى نطق وقال هو فين الراجل ابو رجل حمار
فكلهم ضحكو وقالولو سلامة شوفك يا خفاجة
وكلهم مكنوش مصدقين.

وقعد يحكيلهم ويقولهم ده جه وقعد معايا هنا وكلمنى وحتى الدرة كنت بشويها وهو ياكل ويرمي
كلهم استخفو بعقله وقالو الكبر قل من عقله
ولفت الايام وحصل الى كان بيقولولهم مع كذا واحد منهم
وكانو بردوا بيستعجبو كيف ياكل قدامهم الكيزان ويلاقوها زى مهى متلمستش
ونفس الراجل ابو رجلين حمار كان بيطلعلهم ويزورهم واحد واحد
فبقو يخافو يطلعو فرادى لوحدهم الغيط وقت الفجر
وقررو يطلعو بعد الفجر جماعات اتنين تلاته عشره
بعد مالموضوع ده بقا مشهور ومعروف للكل والكل بقا يحكي ويتحاكى عن عفريت الغيط.

 

يتبع..

 

 بيت الجدة الحلقة التاسعة (توأم الروح)